So sto studio, se acoglie e clienti e se scolta e esigense, a roba che e voria farse e insieme se vaiuta e soiusion; insoma ghe demo a massima atension a donna co a proppria identità.
No ga importansa se a cliente ze on steco o a ze ciciota, importante ze dare vaeore ae quaità e al so esare donna. Gnente ze dassa al caso.
Da massa tempo e donne ga messo via a so fantasia e a so feniniità a causa dee mode imposte daea globaisassion.
E donne de desso e ga da riusire a metare insieme aea praticità l'elegansa e a rafinatessa, quaità diverse ma che al dì de oncò e ga da essarghe so el steso capo da vestire.
I materiai che se usa in sartoria, i ze tessuti naturai de quaità alta, qua se trova sede, lane, cotoni, lini in tanti coeori che se adata a reaisare idee nove e fare emossionare e clienti.